Unnið er af fullum krafti við Baldvin Njálsson GK, nýjan flakafrystitogara Nesfisks, í Vigo á Spáni.
Unnið er af fullum krafti við Baldvin Njálsson GK, nýjan flakafrystitogara Nesfisks ehf. í Garði, í Armon-skipasmíðastöðinni í Vigo á Spáni. Útlit er fyrir að áform um að skipið verði afhent fyrir árslok standist.
Samið var um smíði skipsins haustið 2019 og var skipið sjósett hjá Armon fyrir viku og í vikunni var brúin hífð á skipið og spilin um borð. Fyrirtækið Skipasýn í Reykjavík hannar skipið.
Aðgerðar- og flökunarbúnaður og færibönd er meðal þess sem kemur frá fyrirtækinu Klaka í Kópavogi, sjálfvirkur búnaður til frystingar, pökkunar og flutnings niður í lest og vöruhótel kemur frá norska fyrirtækinu Optimar og frystivélar frá spænsku fyrirtæki.
Endursagt úr 200 mílum á mbl.is.
