Frystitogarinn Baldvin Njálsson GK 400 var smíðaður hjá Armon-skipasmíðastöðinni í Vigo á Spáni árið 2021. Skipið er 65,6 metrar að lengd og sextán metrar að breidd. Það er 2.879 brúttótonn og lestin er 1.720 rúmmetrar. Hann er búinn 3.000 kW Wärtsilä aðalvél. Um borð eru sex einstaklingskáetur og ellefu tveggja manna káetur og rúmar skipið 28 manna áhöfn.
- Tegund
- Frystitogari
- Smíðaár
- 2021
- Smíðaður
- Armon, Vigo á Spáni
- Hönnun
- Skipasýn
- Lengd
- 65,6 m
- Breidd
- 16 m
- Brúttótonn
- 2.879
- Lest
- 1.720 m³
- Aðalvél
- Wärtsilä, 3.000 kW
- Skrúfa
- 5 m í þvermál
- Togkraftur
- 67 tonn
- Vinnsludekk
- 580 m²
- Fjöldi í áhöfn
- 26 hverju sinni, tvær áhafnir
Nafnið
Ber nafn Baldvins Njálssonar, sem stofnaði Nesfisk ásamt Þorbjörgu Bergsdóttur konu sinni og fjölskyldu þeirra.
Um borð
Fyrsta nýsmíði Nesfisks á skipi af þessari stærð.
Vöruhótel og brettavæðing
Í skipinu er vöruhótel með þjarka sem tegundar- og stærðarflokkar og beinir afurðum að sjálfvirkum pökkunarbúnaði. Brettastaflari staflar pökkuðum afurðum á bretti, svo við löndun eru þau tilbúin og tegundarflokkuð til útflutnings.
Tvær brettavæddar lestar
Milligólf er eftir lestinni endilangri. Það gefur eins eða tveggja bretta hæð í hvorri lest í stað allt að fjögurra bretta hæðar í einni lest, sem er ákjósanlegt upp á stöflun í vondum veðrum og notkun lyftara.
Sparneytið skip
Olíunotkun næst verulega niður með nýrri hönnun skipskrokks og framdriftarkerfi, þar með talinni stórri skrúfu. Lögð er áhersla á bætta aðstöðu fyrir mannskapinn og betri meðferð afla.
Aðbúnaður áhafnar
Í skipinu eru tvær stórar setustofur, líkamsrækt og gufubað, og vistarverurnar eru allar aftast í skipinu.